<div id="MiddleColumn_internal"> <h3 style="text-align: justify; ">ಜಾನುವಾರುಗಳಿಗೆ ಪೌಷ್ಟಿಕ ಆಹಾರ: ಅಜೊಲ್ಲಾ</h3> <h4 style="text-align: justify; ">ಅಜೊಲ್ಲ ಬಗ್ಗೆ</h4> <ul style="text-align: justify; "> <li>ಅಜೊಲ್ಲಾ ನೀರಿನಲ್ಲಿ ತೇಲಾಡುವ ರೆಕ್ಕೋಪಾದಿಯ ಎಲೆಗಳುಳ್ಳ ಒಂದು ಸಸ್ಯ ಪ್ರಬೇಧ. ಇದು ಪಾಚಿಯನ್ನು ಹೋಲುತ್ತದೆ.</li> <li>ಸಾಮಾನ್ಯವಾಗಿ ಇದನ್ನು ಭತ್ತದ ಗದ್ದೆಗಳಲ್ಲಿ ಅಥವ ಆಳವಲ್ಲದ ನೀರಿನ ಹೊಂಡಗಳಲ್ಲಿಬೆಳೆಸುತ್ತಾರೆ.</li> <li>ಬಹು ಬೇಗ ಬೆಳೆದು ಪಸರಿಸುತ್ತದೆ</li> </ul> <p style="text-align: center; "><img class="image-inline" src="https://static.vikaspedia.in/media_vikaspedia/kn/images/health/caaccccb7ccdc9fcbfc95ca4cc6/Azolla_filiculoides_MUN.jpg" /></p> <p style="text-align: justify; ">ಅಜೊಲ್ಲಾ- –ಒಳ ನೋಟ</p> <p style="text-align: justify; ">ಮೇವು/ಆಹಾರವಾಗಿ ಅಜೊಲ್ಲಾ</p> <ul style="text-align: justify; "> <li>ಪ್ರೊಟೀನುಗಳು, ಜೀವನಾವಶ್ಯಕ ಅಮಿನೊ ಆಮ್ಲಗಳು, ಅನ್ನಾಂಗ(ವಿಟಮಿನ್) ಗಳು (ಎ, ಬಿ12, ಬೀಟಾ ಕೆರೋಟಿನ್), ಬೆಳವಣಿಗೆ ಪ್ರಚೋದಿಸುವ ಜೀವಸತ್ವಗಳು, ಲವಣಗಳಾದ ಕ್ಯಾಲ್ಶಿಯಂ, ರಂಜಕ, ಪೊಟ್ಯಾಷ್, ಕಬ್ಬಿಣ, ತಾಮ್ರ ಮತ್ತು ರಂಜಕಗಳಿಂದ ಸಮೃಧ್ಧವಾಗಿದೆ,</li> <li>ಒಣ ಅಜೊಲ್ಲ ಶೇಕಡಾವಾರು 25-35 ರಷ್ಟು ಪ್ರೋಟೀನು, 10-15 ಲವಣಗಳು,7-10 ಅಮಿನೊ ಆಮ್ಲಗಳು, ಜೀವ ಚೈತನ್ಯಕಾರಕಗಳು ಮತ್ತು ಪಾಲಿಮರ್ ಗಳು ಸೇರಿವೆ.</li> <li>ಹೆಚ್ಚಿನ ಪ್ರೋಟಿನು ಮತ್ತು ಕಡಿಮೆ ನಾರಿನಾಂಶದ ಪ್ರಯುಕ್ತ ಜಾನುವಾರುಗಳು ಅಜೊಲ್ಲಾವನ್ನು ಸುಲಭವಾಗಿ ಜೀರ್ಣಿಸಿ ರಕ್ತಗತ ಮಾಡಿಕೊಳ್ಳುತ್ತವೆ.</li> <li>ಅಜೊಲ್ಲವನ್ನು ನೇರವಾಗಿ ಅಥವಾ ಹಿಂಡಿ ( ಸಮತೋಲನ ಪಶು ಆಹಾರ) ಜೊತೆಗೆ ಜಾನುವಾರುಗಳಿಗೆ ನೀಡಬಹುದು.</li> <li>ಕೋಳಿ, ಕುರಿ, ಆಡು, ಹಂದಿ ಮತ್ತು ಮೊಲಗಳಿಗೂ ಅಜೊಲ್ಲವನ್ನು ತಿನ್ನಿಸಬಹುದು.</li> </ul> <h3 style="text-align: justify; ">ಅಜೊಲ್ಲಾ ಉತ್ಪಾದನೆ</h3> <ul style="text-align: justify; "> <li>ಬೆಳೆಸಬೇಕಾದ ಭೂಮಿಯನ್ನು ಹದಗೊಳಿಸಿ ಕಳೆ ತೆಗೆದು ಸಮತಟ್ಟಾಗಿಸಬೇಕು.</li> <li>ಇಟ್ಟಿಗೆಯನ್ನು ಅಡ್ಡವಾಗಿಟ್ಟು ಆಯತಾಕಾರದಲ್ಲಿ ಜೋಡಿಸಿಕೊಳ್ಳಬೇಕು</li> <li>ಯು.ವಿ. ಕಿರಣಗಳಿಂದ ತೀಡಲ್ಪಟ್ಟ 2 ಮೀ x 2 ಮೀ ಅಳತೆಯ ಸಿಲ್ಪಾಲಿನ್ ಹಾಳೆಯನ್ನು ಸಮನಾಗಿ ಇಟ್ಟಿಗೆಗಳು ಹೊದಿಕೆಯಾಗುವಂತೆ ತಗ್ಗಾಗುವಂತೆ ಹಾಸಬೇಕು.</li> <li>10-15 ಕಿಲೊ ಸೋಸಿದ ಮಣ್ಣನ್ನು ಸಿಲ್ಪಾಲಿನ್ ಹಾಳೆ ಮೇಲೆ ಸಮನಾಗಿ ಹರಡಬೇಕು.</li> <li>2 ಕಿಲೊ ಹಸುವಿನ ಸಗಣಿ ಯನ್ನು 30 ಗ್ರಾಂ ಸುಪರ್ ಫಾಸ್ಫೇಟ್ ದೊಂದಿಗೆ 10 ಲೀ ನೀರಿನಲ್ಲಿ ಮಿಶ್ರಣ ಮಾಡಿದ ರಾಡಿಯನ್ನು ಹಾಳೆಯ ಮೇಲೆ ಹಾಕಿ. ನಂತರ ಹೆಚ್ಚಿನ ನೀರನ್ನು ಸುರಿದು ನೀರಿನ ಮಟ್ಟ 10 ಸೆಂ.ಮೀ ನಷ್ಟು ಆಗುವಂತೆ ನೋಡಿಕೊಳ್ಳಿ.</li> <li>ಮಣ್ಣು ಹಾಗೂ ನೀರನ್ನುನಿಧಾನವಾಗಿ ಕದಡಿದ ಮೇಲೆ 0.5-1.0ಕಿಲೊ ದಷ್ಟು ಬೀಜಕ್ಕಾಗಿರುವ ತಾಯಿ ಅಜೊಲ್ಲಾ ವನ್ನು ನೀರಿನ ಮೇಲೆ ಹರಡಿ, ಅಜೊಲ್ಲಾ ಸಸಿಗಳನ್ನು ಮೇಲ್ಮುಖವಾಗಿ ನಿಲ್ಲಿಸಲು ಮತ್ತೆ ಸ್ವಲ್ಪನೀರನ್ನು ಸಿಂಪಡಿಸಿರಿ.</li> <li>ಒಂದು ವಾರದೊಳಗಾಗಿ ಅಜೊಲ್ಲಾ ಸಸಿಗಳು ಬಹು ಸಂಖ್ಯೆಯಲ್ಲಿ ಬೆಳೆದು ದಪ್ಪ ಚಾಪೆಯಂತೆ ಇಡೀ ತಗ್ಗಿನಲ್ಲಿ ಹರಡಿಕೊಳ್ಳುತ್ತವೆ.</li> <li>ಅಜೊಲ್ಲಾದ ನಿರೀಕ್ಷಿತ ಬೆಳವಣಿಗೆ ಗತಿ ಕಾಪಾಡಲು ಪ್ರತೀ ವಾರ 20 ಗ್ರಾಮ್ ಸುಪರ್ ಫಾಸ್ಫೇಟ್ ಮತ್ತು 1 ಕಿಲೊ ಹಸುವಿನ ಸೆಗಣಿ ನೀಡುತ್ತಿರಬೇಕು. ಇದರಿಂದ ದಿನಕ್ಕೆ 500 ಗ್ರಾಂ ಇಳುವರಿ ದೊರೆಯುತ್ತದೆ.</li> <li>ಸೂಕ್ಷ್ಮ ಲವಣಗಳಾದ ಮೆಗ್ನೇಶಿಯಂ, ತಾಮ್ರ, ಗಂಧಕ, ಇತ್ಯಾಫ್ದಿಗಳ ಮಿಶ್ರಣವನ್ನು ವಾರದ ಅಂತರದಲ್ಲಿ ನೀಡುವುದರಿಂದ ಅಜೊಲ್ಲಾ ಸಸ್ಯದಲ್ಲಿನ ಲವಣಾಂಶಗಳ ಪ್ರಮಾಣ ಹೆಚ್ಚಿಸಬಹುದು.</li> <li>ಪ್ರತೀ ತಿಂಗಳಿಗೊಮ್ಮೆ 5 ಕಿಲೊದಷ್ಟು ಮಣ್ಣನ್ನು ಹೊಸ ಮಣ್ಣಿನಿ0ದ ಬದಲಾಯಿಸುತ್ತಿರಬೇಕು. ಇದರಿಂದ ಸಾರಜನಕದ ಸಾಂಧ್ರತೆ ಹೆಚ್ಚುವುದನ್ನು ತಡೆಯಬಹುದು ಮತ್ತು ಸೂಕ್ಶ್ಮ ಪೋಷಕಾಂಶಗಳ ಕೊರತೆ ನಿವಾರಿಸಬಹುದು.</li> <li>ಪ್ರತೀ 10 ದಿನಗಳಿಗೊಮ್ಮೆ ಶೆ 25-30 ರಷ್ಟು ನೀರನ್ನು ಸಹ ಬದಲಿಸುವುದರಿ0ದ ಸಾರಜನಕದ ಸಾಂಧ್ರತೆ ನಿಯಂತ್ರಿಸಬಹುದು.</li> <li>ಎಲ್ಲಾ ಹಾಸಲನ್ನು ಅಜೊಲ್ಲಾ ಸಹಿತ ಪ್ರತೀ 6 ತಿಂಗಳಿಗೊಮ್ಮೆ ಬದಲಿಸಬೇಕು.</li> <li>ಕೀಟಗಳುಮತ್ತು ರೋಗಗಳು ಕಂಡು ಬಂದಾಗ ಹಳೆ ವ್ಯವಸ್ಥೆ ಬದಲಿಸಿ ಅಜೊಲ್ಲಾ ಸಹಿತ ಹೊಸ ಹಾಸಲನ್ನು ತಯಾರಿಸಿಕೊಳ್ಳಬೇಕು.</li> </ul> <p style="text-align: center; "><img class="image-inline" src="https://static.vikaspedia.in/media_vikaspedia/kn/images/agriculture/caccc6cb3cc6-c89ca4ccdcaacbeca6ca8cc6-ca4c82ca4ccdcb0c97cb3cc1/DSC03602.JPG" /></p> <p style="text-align: center; ">ಚನ್ನಾಗಿ ಬೆಳೆದ ಅಜೊಲ್ಲಾ</p> <p style="text-align: center; "><img class="image-inline" src="https://static.vikaspedia.in/media_vikaspedia/kn/images/agriculture/caccc6cb3cc6-c89ca4ccdcaacbeca6ca8cc6-ca4c82ca4ccdcb0c97cb3cc1/niceazolla.jpg" style="text-align: center; " /></p> <p style="text-align: center; ">ಅಜೊಲ್ಲಾ ಉತ್ಪಾದನೆ ಗುಂಡಿ</p> <ul style="text-align: justify; "> <li>ಗುಂಡಿಗೆ ಮರಳಿ ಅತಿ ಸಣ್ಣ ಸಸ್ಯಗಳನ್ನು ಸೇರಿಸಲು ಜಾಳಿಗೆಯನ್ನು ಉಪಯೋಗಿಸಿಸ್ ತೊಳೆಯುವುದು ಉಪಯುಕ್ತವಾಗಿದೆ.</li> <li>ಉಷ್ಣಾಂಶವನ್ನು 25°ಸೆ. ಗಿಂತ ಕಡಿಮೆ ಇರುವಂತೆ ನೋಡಿಕೊಳ್ಳಬೇಕು.</li> <li>ಬೆಳಕಿನ ಪ್ರಖರತೆಯನ್ನು ನಿಯಂತ್ರಿಸಲು ನೆರಳಿನ ಜಾಳಿಗೆ (ಶೇಡ್ ನೆಟ್) ಉಪಯೋಗಿಸಬಹುದು</li> <li>ಅಜೊಲ್ಲಾ ಸಸ್ಯಗಳನ್ನು ದಿನಾಲು ಕೊಯ್ಲು ಮಾಡುವುದರಿಂದ ಗುಂಡಿಯಲ್ಲಿ ಅವುಗಳ ಸಾಂಧ್ರತೆ ನಿಯಂತ್ರಿಸಬಹುದು.</li> </ul> <p style="text-align: justify; ">ಪೋರ್ಟಲ್ ತಂಡ</p> </div>