1994 ರಲ್ಲಿ ಮಲೇರಿಯ ವಿಶೇಷ ಸಮೀಕ್ಷೆ ನಡೆಸಲಾಗಿ ಅದರಲ್ಲಿ ಪಡೆದ ಮಾಹಿತಿಗೆ ಅನುಗುಣವಾಗಿ ಮಲೇರಿಯ ರೋಗ ನಿಯಂತ್ರಣದಲ್ಲಿ ಕೆಲವೊಂದು ಬದಲಾವಣೆಗಳನ್ನು ಕಾರ್ಯಕ್ರಮದಲ್ಲಿ ಅಳವಡಿಸಲಾದವು. ಈ ಬದಲಾವಣೆಗೆ ಅನುಗುಣವಾಗಿ ಮಲೇರಿಯ ಪ್ರದೇಶಗಳಲ್ಲಿ ಅತಿ ಸಮಸ್ಯಾತ್ಮಕ ಪ್ರದೇಶಗಳನ್ನು ಗುರುತಿಸಿ ಅಂತಹ ಪ್ರದೇಶಗಳಲ್ಲಿ ತೀವ್ರ ನಿಯಂತ್ರಣ ಕ್ರಮಗಳ ಬದಲಾವಣೆ ತರಲಾದವು. ಉಪಕೇಂದ್ರಗಳ ಮಲೇರಿಯ ರೋಗದ ಉಲ್ಬಣ ಸ್ಥಿತಿಯ ಕಾರಣಗಳನ್ನು ಆಧಾರವನ್ನಾಗಿಟ್ಟುಕೊಂಡು ಅತಿ ಸಮಸ್ಯಾತ್ಮಕ ಪ್ರದೇಶಗಳನ್ನು ಗುರುತಿಸಲಾಗುವುದು. ಅದಕ್ಕೆ ಬೇಕಾದ ಮಾಹಿತಿಗಳು ಹೀಗಿವೆ :
1. ಕಳೆದ ಮೂರು ವರ್ಷಗಳಲ್ಲಿ ಅದೇ ಪ್ರದೇಶದಲ್ಲಿ ಕಾಯಿಲೆಯನ್ನು ಹೊಂದಿ ಫ್ಯಾಲ್ಸಿಪ್ಯಾರಂ ಮಲೇರಿಯ ಕಾಯಿಲೆಯಿಂದ ಮರಣ ಹೊಂದಿದ್ದು, ಖಚಿತವಾದಲ್ಲಿ.
2. ಎಸ್.ಪಿ.ಆರ್ ಪ್ರಮಾಣ
• ಕಳೆದ ಮೂರು ವರ್ಷಗಳಲ್ಲಿ ಸರಾಸರಿ ಎಸ್.ಪಿ.ಆರ್ 5% ಅಥವಾ ಅದಕ್ಕೂ ಮೇಲ್ಪಟ್ಟಿದ್ದಲ್ಲಿ.
• ಕಳೆದ ಮೂರು ವರ್ಷಗಳಲ್ಲಿ ಎಸ್.ಪಿ.ಆರ್ ದ್ವಿಗುಣ ಹೊಂದಿದ್ದು, ಎರಡು ಹಾಗೂ ಮೂರನೇ ಸಾಲಿನಲ್ಲಿ 4% ಅಥವಾ ಅದಕ್ಕೂ ಹೆಚ್ಚಿದ್ದಲ್ಲಿ.
• ಕಳೆದ ಮೂರು ವರ್ಷಗಳಲ್ಲಿ ಎಸ್.ಪಿ.ಆರ್ 3% ಇದ್ದು, ಅದರಲ್ಲಿ ಫ್ಯಾಲ್ಸಿಪ್ಯಾರಂ ಪ್ರಕರಣಗಳು (ಪಿ.ಎಫ್.) 30% ಅಥವಾ ಅದಕ್ಕೂ ಹೆಚ್ಚಾಗಿದ್ದಲ್ಲಿ.
3. ಆ ಪ್ರದೇಶದಲ್ಲಿ ಕ್ಲೋರೋಕ್ವಿನ್ ಮಾತ್ರೆಗಳು ರೋಗನಿರೋಧಕ ಶಕ್ತಿ ಕಳೆದುಕೊಂಡಿದ್ದಲ್ಲಿ.
ಉಪಕೇಂದ್ರದಲ್ಲಿ ಯಾವುದೇ ಒಂದು ಮೇಲ್ಕಂಡ ಕಾರಣ ಕಂಡುಬಂದಲ್ಲಿ, ಆ ಪ್ರದೇಶವನ್ನು ಅತಿ ಸಮಸ್ಯಾತ್ಮಕ ಪ್ರದೇಶ ಎಂದು ಗುರುತಿಸಬೇಕು.
ಕೊನೆಯ ಮಾರ್ಪಾಟು : 4/18/2020