অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ಭತ್ತದ ಬೆಳೆಗೆ ನೀಲಿ ಹಸಿರು ಪಾಚಿಯ ಬಳಕೆ ವಿಧಾನ

ಭತ್ತದ ಬೆಳೆಗೆ ನೀಲಿ ಹಸಿರು ಪಾಚಿಯ ಬಳಕೆ ವಿಧಾನ

ಮದೊಲು ಗದ್ದೆಯನ್ನು 2-3 ಸಲ ಕೆಸರು ಮಾಡಿ ಭೂಮಿ ಸಿದ್ಧ ಪಡಿಸಿಕೊಳ್ಳಬೇಕು. ನಂತರ 5-10 ಸೆಂ.ಮೀ. ನಷ್ಟು ನೀರು ಬಿಟ್ಟ ಮೇಲೆ ನೀರು ತಿಳಿಯಾಗುವವರೆಗೆ ಬಿಡಬೇಕು. ಒಂದು ಹೆಕ್ಟೇರ್ ಭೂಮಿಗೆ 10 ಕಿ.ಗ್ರಾಂ ನಂತೆ ಮಣ್ಣು ಆಧಾರಿತ ಒಣಗಿದ ಪಾಚಿಯನ್ನು ಎಲ್ಲ ಕಡೆ ಹಾಕಬೇಕು. ಎರಡು – ಮೂರು ವಾರಗಳಲ್ಲಿ ಪಾಚಿಯು ಚೆನ್ನಾಗಿ ಬೆಳೆಯುವುದು. ನಂತರ ನಿಂತ ನೀರನ್ನು ನಿಧಾನವಾಗಿ ಬಸಿದು ಪಾಚಿಯನ್ನು ಮಣ್ಣಿನಲ್ಲಿ ಬೆರೆಸಬೇಕು. ನಂತರ ನಾಟಿ ಮಾಡಬೇಕು. ಹೀಗೆ ಎರಡು – ಮೂರು ವರ್ಷಗಳವರೆಗೆ ಸತತವಾಗಿ ಹಾಕಿದ ನಂತರ, ಭೂಮಿಯಲ್ಲಿ ಸಾಕಷ್ಟು ನೀಲಿ ಹಸಿರು ಪಾಚಿಯು ವೃದ್ಧಿಯಾದ ಮೇಲೆ ಜೈವಿಕ ಗೊಬ್ಬರದ ಬಳಕೆಯನ್ನು 2-3 ವರ್ಷಗಳವರೆಗೆ ನಿಲ್ಲಿಸಬಹುದು. ಭತ್ತದ ಗದ್ದೆಗಳಲ್ಲಿಯೇ ಇದನ್ನು ಕೆಳಗೆ ವಿವರಿಸಿದಂತೆ ಬೆಳೆಸಿ ಉಪಯೋಗಿಸಬಹುದು.

ಬೆಳೆಸುವ ಕ್ರಮ

1. ಗದ್ದೆಯನ್ನು 2-3 ಸಲ ಕೆಸರು ಮಾಡಿ ಭೂಮಿ ಸಿದ್ಧಪಡಿಸಿಕೊಳ್ಳಬೇಕು.

2. ಸುಮಾರು 10 ಮೀ.  10 ಮೀ. ಅಳತೆಯ ಸಣ್ಣ ಮಡಿಗಳನ್ನು ಮಾಡಿ ಗಟ್ಟಿಯಾಗಿ ಬದುಗಳನ್ನು ಹಾಕಿ ಪ್ರತಿ ಮಡಿಗೂ 1 ಕಿ.ಗ್ರಾಂ ಸೂಪರ್‍ಫಾಸ್ಟೇಟ್, 50 ಗ್ರಾಂ ಸುಣ್ಣ ಹಾಗೂ 100 ಗ್ರಾಂ ಕಾರ್ಬೋಫ್ಯುರಾನ್ ಹಾಕಿ ಮಣ್ಣಿನಲ್ಲಿ ಚೆನ್ನಾಗಿ ಬೆರೆಸಬೇಕು.

3. ಮಡಿಗೆ ನೀರು ಹಾಯಿಸಿ 5-10 ಸೆಂ.ಮೀ. ಆಳ ನೀರು ನಿಲ್ಲಿಸಬೇಕು. ನೀರು ತಿಳಿಯಾದಾಗ 1 ಕಿ.ಗ್ರಾಂ ಮಣ್ಣು ಆಧಾರಿತ ನೀಲಿ ಹಸಿರು ಪಾಚಿ ಗೊಬ್ಬರವನ್ನು ಸಮವಾಗಿ ಹರಡಬೇಕು.

4.ಬೇಸಿಗೆ ಕಾಲದಲ್ಲಿ ಪಾಚಿ ಶೀಘ್ರವಾಗಿ ಬೆಳೆದು 7-10 ದಿವಸಗಳಲ್ಲಿ ಪಾಚಿಯ ದಪ್ಪ ಪದರು ನೀರಿನ ಮೇಲೆ ತೇಲುತ್ತದೆ.

5.15 ದಿವಸಗಳ ನಂತರ ಮಡಿಗಳಲ್ಲಿಯ ನೀರನ್ನು ಬಸಿದು ಪಾಚಿ ಒಣಗಲು ಬಿಡಬೇಕು. ನಂತರ ಪಾಚಿಯ ಪದರನ್ನು ಮಣ್ಣುಸಮೇತ ಶೇಖರಿಸಿ ನೆರಳಿನಲ್ಲಿ ಒಣಗಿಸಿ ಶೇಖರಿಸಬಹುದು. ಪ್ರತಿ ಮಡಿಯಲ್ಲೂ 15-20 ಕಿ.ಗ್ರಾಂ ಒಣ ಪಾಚಿ ದೊರೆಯುತ್ತದೆ. ಅದೇ ಮಡಿಯನ್ನು ಮತ್ತೆ ಪಾಚಿ ಬೆಳೆಸಲು ಬಳಸಬಹುದು. ಒಣಗಿದ ಪಾಚಿಯನ್ನು ಬಹಳ ಕಾಲದವರೆಗೆ ಬಳಸಬಹುದು.

Source: ಸುಧಾರಿತ ಬೇಸಾಯ ಕ್ರಮಗಳು ಸೆಪ್ಟೆಂಬರ್, 2012, ಕೃಷಿ ವಿಶ್ವವಿದ್ಯಾಲಯ, ಧಾರವಾಡ ಹಾಗೂ ಕೃಷಿ ವಿಶ್ವವಿದ್ಯಾಲಯ, ರಾಯಚೂರು

ಮೂಲ : ಉಅಸ್ರ್ ಆಗ್ರೋ ಪೀಡಿಯಾ

ಕೊನೆಯ ಮಾರ್ಪಾಟು : 7/1/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate