ಸುಬಾಬುಲ ಹಸಿರೆಲೆಗೊಬ್ಬರ ಬೆಳೆಯನ್ನು 6 ರಿಂದ 8 ಮೀಟರ್ ಅಂತರದಲ್ಲಿ 30 ಸೆಂ.ಮೀ. ಅಂತರದ ಎರಡು ಜೋಡು ಸಾಲುಗಳಲ್ಲಿ ಬೆಳೆದು, ಬಿತ್ತಿದ ನಾಲ್ಕು ತಿಂಗಳುಗಳ ನಂತರ ಮೊದಲನೇ ಕಟವನ್ನು ಭೂಮಿಗೆ ಹತ್ತಿರವಾಗಿ ಮಾಡಬೇಕು. ತದನಂತರ ಸೂಬಾಬುಲ್ ಬೆಳವಣಿಗೆಗೆ ಅನುಗುಣವಾಗಿ ಪ್ರತಿ 45-50 ದಿನಗಳಿಗೊಮ್ಮೆ ಕುಳೆಯನ್ನು ಕಟಾವು ಮಾಡಿ ನಡುವಿನ ಜಮೀನಿಗೆ ಹಾಕಬೇಕು. ಸುಬಾಬುಲ್ ಸಾಲುಗಳ ನಡುವೆ ಬೆಳೆದ ಗೋವಿನಜೋಳ ಇತ್ಯಾದಿ ಬೆಳೆಗಳಿಗೆ ಮುಂಗಾರಿನಲ್ಲಿ ಶಿಫಾರಸ್ಸು ಮಾಡಿದ ಸಾರಜನಕ ರಸಗೊಬ್ಬರದಲ್ಲಿ ಶೇ. 25 ರಷ್ಟು ಸಾರಜನಕ, ರಂಜಕ ಮತ್ತು ಪೋಟ್ಯಾಷ್ ರಸಗೊಬ್ಬರ ಉಳಿತಾಯ ಮಾಡಬಹುದು.
ಸೂಬಾಬುಲ್ ಹಸಿರೆಲೆಗೊಬ್ಬರವನ್ನು ಮಣ್ಣಿಗೆ ಸೇರಿಸುವುದರಿಂದ ಬೆಳೆ ಉತ್ಪಾದಕತೆಯಲ್ಲಿ ಹೆಚ್ಚಳ ಮತ್ತು ಸ್ಥಿರತೆ, ರಸಗೊಬ್ಬರಗಳ ಉಳಿತಾಯವಾಗುವುದಲ್ಲದೇ ಮಣ್ಣಿನ ಸಾವಯವ ಪದಾರ್ಥಗಳ ಅಂಶ ಗಣನೀಯವಾಗಿ ಹೆಚ್ಚುತ್ತದೆ.
ಮೂಲ : ಉಅಸ್ರ್ ಆಗ್ರೋ ಪೀಡಿಯಾ
ಕೊನೆಯ ಮಾರ್ಪಾಟು : 6/30/2020