ಗುಲಾಬಿ

ಗುಲಾಬಿಯು ಅತಿ ಮಹತ್ವದ ಹೂ ಬೆಳೆಗಳಲ್ಲೊಂದು. ಗುಲಾಬಿಯನ್ನು ಕತ್ತರಿಸಿದ ಹೂವಿಗೊಸ್ಕರ, ಅಲಂಕಾರಕ್ಕಾಗಿ, ಹೂ ಮಡಿಗಳಲ್ಲಿ ಹಾಗೂ ಉದ್ಯಾನಗಳಲ್ಲಿ ಸೌಂದರ್ಯಕ್ಕಾಗಿ ಬೆಳೆಯುತ್ತಾರೆ. ಸುಗಂಧದ್ರವ್ಯ ಹಾಗೂ ಗುಲ್‌ಕನ್‌ ತಯಾರಿಕೆಯಲ್ಲಿ ಈ ಹೂಗಳಿಗೆ ಬೇಡಿಕೆಯಿದೆ.

ಕಾಲ

ತಂಪಾದ ಒಣ ಹವೆ ಈ ಬೆಳೆಗೆ ಒಳ್ಳೆಯದು. ಚೆನ್ನಾಗಿ ಬೆಳಕು ಮತ್ತು ಬಿಸಿಲು ಬೀಳುವಂತಹ ತೆರೆದ ಪ್ರದೇಶಗಳಲ್ಲಿ ಗುಲಾಬಿ ಬೆಳೆಯಬಹುದು. ಬೆಳೆ ನಾಟಿಗೆ ಜೂನ್‌-ಅಕ್ಟೋಬರ್‌ ತಿಂಗಳುಗಳು ಅತಿ ಸೂಕ್ತ.

ಮಣ್ಣು

ಗುಲಾಬಿ ಬೇಸಾಯಕ್ಕೆ ಆಳವಾದ, ಚೆನ್ನಾಗಿ ನೀರು ಬಸಿದು ಹೋಗುವಂತಹ, 5.3 ರಿಂದ 5.8 ರಸಸಾರವ್ರಳ್ಳ ಕೆಂಪು ಗೋಡು ಮಣ್ಣು ಅತಿ ಸೂಕ್ತ.

ತಳಿಗಳು

ಕ್ವೀನ್‌ ಎಲಿಜೆಬೆತ್‌, ಸೂಪರ್‌ ಸ್ಟಾರ್‌, ವೈಟ್‌ ಕ್ರಿಸ್‌ಮಸ್‌, ಕ್ರಿಶ್ಚಿಯನ್‌ ಡಿಯೊರ್‌, ಗ್ಲೇಡಿಯೇಟರ್‌, ಚೆರಿಸ್ಮ, ಹ್ಯಾಪಿನೆಸ್‌ ಪ್ರಮುಖವಾದ ತಳಿಗಳು. ಇದಲ್ಲದೆ ಹೂಗಳ ಬಣ್ಣ, ಆಕಾರ ಇತ್ಯಾದಿ ಆಧಾರಗಳ ಮೇಲೆ ಹಲವಾರು ತಳಿಗಳು ಲಭ್ಯವಿವೆ.

ಸಸ್ಯಾಭಿವೃದ್ಧಿ

• ವಾಣಿಜ್ಯ ವಿಧಾನ: ಕಣ್ಣು ಕಸಿ.
• ಬೇರು ಸಸಿಗಳನ್ನು ಬೆಳೆಸುವ್ರದು: ಕಾಡು ಜಾತಿಯ ಗುಲಾಬಿಗಳ (ರೋಜಾ ಇಂಡಿಕಾ, ರೋಜಾ ಮಲ್ಟಿಫ್ಲೋರಾ, ಮುಳ್ಳುರಹಿತ-ನಿಶ್‌ಕಂಟ್‌) ಕಾಂಡದ ತುಂಡುಗಳನ್ನು ಪ್ಲಾಸ್ಟಿಕ್‌ ಚೀಲಗಳಲ್ಲಿ ಅಥವಾ ಸಮಪಾತಳಿ ಪಾತಿಗಳಲ್ಲಿ ನಾಟಿ ಮಾಡಬೇಕು. ಈ ತುಂಡುಗಳು ಸುಮಾರು 6 ತಿಂಗಳುಗಳಲ್ಲಿ ಚೆನ್ನಾಗಿ ಬೆಳೆದು ಪೆನ್ಸಿಲ್‌ ಗಾತ್ರದ ರೆಂಬೆಗಳನ್ನು ಪಡೆಯುತ್ತವೆ. ಈ ರೆಂಬೆಗಳಿಗೆ  ಇಚ್ಛಿಸಿದ ತಳಿಗಳ ಕಣ್ಣುಗಳನ್ನು ತಂದು ಕಣ್ಣು ಕಸಿ ಮಾಡಬೇಕು. ಸುಮಾರು 30-45 ದಿನಗಳಲ್ಲಿ ಕಣ್ಣು ಕೂಡುತ್ತವೆ. ಅನಂತರ ಇವ್ರಗಳನ್ನು ಕುಂಡಗಳಲ್ಲಿ ಇಲ್ಲವೇ ಬೆಳೆ ಕ್ಷೇತ್ರದಲ್ಲಿ ನಾಟಿ ಮಾಡಬಹುದು.

ಬೇಸಾಯ ಕ್ರಮಗಳು

ನಾಟಿ ಮಾಡುವ್ರದು: ಭೂಮಿಯನ್ನು ಆಳವಾಗಿ ಉಳುಮೆ ಮಾಡಿ ಹದಗೊಳಿಸಿ 45 ಘನ ಸೆಂ.ಮೀ. ಗಾತ್ರದ ಗುಣಿಗಳನ್ನು 75x75 ಸೆಂ.ಮೀ. ಅಂತರದಲ್ಲಿ ಸಂಕರಣ ತಳಿಗಳಿಗೆ ಹಾಗೂ 60x60 ಸೆಂ.ಮೀ. ಎರಡು ಕಿ.ಗ್ರಾಂ ಉತ್ತಮ ಕೊಟ್ಟಿಗೆ ಗೊಬ್ಬರವನ್ನು ಪ್ರತಿ ಗುಣಿಗೆ ತುಂಬಿ ಕಣ್ಣು ಹಾಕಿದ ಭಾಗವ್ರ ಸುಮಾರು 15 ಸೆಂ.ಮೀ. ನಷ್ಟು ಭೂಮಿಯಿಂದ ಮೇಲಿರುವಂತೆ ನಾಟಿ ಮಾಡಿ ಅವ್ರಗಳಿಗೆ ಕೋಲಿನ ಆಸರೆ ಕೊಟ್ಟು ಅಲುಗಾಡದಂತೆ ನೋಡಿಕೊಳ್ಳಬೇಕು. ಒಂದು ಹೆಕ್ಟೇರಿಗೆ ಬೇಕಾಗುವ ಕಸಿ ಮಾಡಿದ ಗಿಡಗಳ ಪ್ರಮಾಣ ಹೀಗಿದೆ 1 ಮೀ. x 1 ಮೀ. : 10,000, 75 x 75 ಸೆಂ.ಮೀ. : 13,333 60 x 60 ಸೆಂ.ಮೀ. : 20,800.

ಬೇಸಾಯ ಸಾಮಗ್ರಿಗಳು

ಶಿಫಾರಸ್ಸು ಮಾಡಿದ ಗೊಬ್ಬರಗಳ ಅರ್ಧ ಪ್ರಮಾಣವನ್ನು ಸವರಿಕೆಯ ಸಮಯದಲ್ಲಿ ಹಾಗೂ ಇನ್ನುಳಿದ ಅರ್ಧ ಪ್ರಮಾಣವನ್ನು ಗಿಡಗಳನ್ನು ಸವರಿದ ಒಂದೂವರೆ ತಿಂಗಳ ನಂತರ ಒದಗಿಸಬೇಕು.

ಮಾರುಕಟ್ಟೆಯಲ್ಲಿ ದೊರೆಯುವ ಗುಲಾಬಿ ಮಿಶ್ರಣವನ್ನು ಗಿಡಗಳನ್ನು ಸವರಿದ ಒಂದು ವಾರದ ನಂತರ ಪ್ರತಿ ಗಿಡಕ್ಕೆ 100 ಗ್ರಾಂಗಳಷ್ಟು ಒದಗಿಸಬೇಕು. ಲಘು ಪೋಷಕಾಂಶಗಳ ಮಿಶ್ರಣವನ್ನು (1.5-2 ಗ್ರಾಂ/ಲೀ.) ತಿಂಗಳಿಗೊಮ್ಮೆ ಸಿಂಪಡಿಸುವ್ರದು ಉತ್ತಮ. ನಿಯಮಿತವಾಗಿ ಕಳೆ ತೆಗೆದು ಪಾತಿಗಳನ್ನು ಸ್ವಚ್ಛವಾಗಿಟ್ಟುಕೊಳ್ಳಬೇಕು.

ನೀರಾವರಿ ಮತ್ತು ಅಂತರ ಬೇಸಾಯ

ಬೆಳೆಗೆ ಪ್ರತಿ 4-6 ದಿನಗಳಿಗೊಮ್ಮೆ ಮಣ್ಣು ಮತ್ತು ಹವಾಗುಣವನ್ನು ಅನುಸರಿಸಿ ನೀರು ಒದಗಿಸಬೇಕು.

ರೋಗಗಳು: ಟೊಂಗೆ ಒಣಗು ರೋಗ, ಬೂದಿರೋಗ ಹಾಗೂ ಕಪ್ಪು ಎಲೆ ಚುಕ್ಕೆ ರೋಗ.

ನಿರ್ವಹಣೆ ವಿಧಾನ

• ಬೂದಿರೋಗದ ನಿಯಂತ್ರಣಕ್ಕಾಗಿ 1 ಗ್ರಾಂ ಕಾರ್ಬೆಂಡಜಿಂ ಅಥವಾ 1.5 ಮಿ.ಲೀ. ಡಿನೋಕ್ಯಾಪ್‌ ಅಥವಾ 0.5 ಮಿ.ಲೀ. ಕ್ವಾಲಕ್ಸಿನ್‌ ಶಿಲೀಂದ್ರನಾಶಕವನ್ನು ಪ್ರತಿ ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು. ಟೊಂಗೆಯನ್ನು ಸವರಿದ ಮೇಲೆ ತುದಿಗೆ ಶೇ. 5ರ ಬೋರ್ಡೊ ಮುಲಾಮನ್ನು ಹಚ್ಚಬೇಕು.
• ಕಪ್ಪು ಎಲೆ ಚುಕ್ಕೆ ರೋಗ ಬಂದಾಗ 0.5 ಗ್ರಾಂ ಕೆ. ಸೈಕ್ಲಿನ್‌ ಪ್ರತಿ ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.

ಕೀಟಗಳು: ಗೆದ್ದಲು, ಹೂ ತಿನ್ನುವ ದುಂಬಿ, ಮೊಗ್ಗು ಕೊರೆಯುವ ಹುಳ, ಥ್ರಿಪ್ಸ್‌, ಹೇನು ಹಾಗೂ ಜೇಡರ ನುಸಿ.

ನಿರ್ವಹಣೆ ವಿಧಾನ

• ಕೀಟಗಳ ಬಾಧೆ ಕಂಡುಬಂದಾಗ ಗಿಡಗಳಿಗೆ 0.5 ಮಿ.ಲೀ. ಫಾಸ್ಫಾಮಿಡಾನ್‌ ಅಥವಾ 1.5 ಮಿ.ಲೀ. ಮಾನೋಕ್ರೊಟೋಫಾಸ್‌ ಪ್ರತಿ ಲೀಟರ್‌ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.
• ನುಸಿ ಹತೋಟಿಗೆ 2.5 ಮಿ.ಲೀ. ಡೈಕೋಫಾಲನ್ನು 1 ಲೀ. ನೀರಿನಲ್ಲಿ ಬೆರಸಿ ಸಿಂಪಡಿಸಿ.

ಕೊಯ್ಲು

ಗಿಡಗಳನ್ನು ಸವರಿದ 45-60 ದಿನಗಳಲ್ಲಿ ಹೂಗಳು ಕೊಯ್ಲಿಗೆ ಸಿದ್ಧವಾಗುತ್ತವೆ. ಹೂವಿನ ಹೊರದಳ ತೆರೆದ ಕೂಡಲೇ 25-30 ಸೆಂ.ಮೀ. ಕಾಂಡದೊಂದಿಗೆ ಅದನ್ನು ಕಟಾವ್ರ ಮಾಡಬೇಕು. ಬೆಳಗಿನ ಜಾವ ಅಥವಾ ಸಾಯಂಕಾಲ ವೇಳೆಯಲ್ಲಿ ಕೊಯ್ಲು ಮಾಡಿ ನೀರು ತುಂಬಿರುವ ಬಕೇಟಿನಲ್ಲಿ ಶೇಖರಿಸಿಡಬೇಕು.

ಇಳುವರಿ

ಒಂದು ಹೆಕ್ಟೇರ್‌ ಪ್ರದೇಶದಿಂದ ಪ್ರತಿ ವರ್ಷಕ್ಕೆ 2 ಲಕ್ಷದಿಂದ 2.5 ಲಕ್ಷ ಹೂಗಳ ಇಳುವರಿ ಪಡೆಯಬಹುದು.

ಮೂಲ : ಆಗ್ರೋಪೀಡಿಯ