2001-02ನೇ ಸಾಲಿನ ಅವಧಿಯಲ್ಲಿ ಖಜಾನೆ ಯೋಜನೆಯ ಮೂಲಕ ಖಜಾನೆಗ¼ ಅಂತರಿಕ ಗಣಕೀಕರಣವನ್ನು ಸಾಧಿಸಲಾಗಿತ್ತು. ಈ ಯೋಜನೆಯು ರಾಜ್ಯಕ್ಕೆ ಒಳ್ಳೆಯ ಹೆಸರು ಹಾಗೂ ಗೌರವವನ್ನು ತಂದುಕೊಟ್ಟಿದ್ದು ಸದರಿ ತಂತ್ರಾಂಶವು ತಾಂತ್ರಿಕ ಹಾಗೂ ಆಡಳಿತಾತ್ಮಿಕ ವಲಯಗಳಲ್ಲಿ ಒಂದು ಬೃಹತ್ ಹೆಜ್ಜೆಯೆಂದು ಇ-ಆಡಳಿತದಲ್ಲಿ ಗುರುತಿಸಲ್ಲಟ್ಟಿದೆ. ಈ ತಂತ್ರಾಂಶದ ಮುಖ್ಯ ಗುರಿ ಬಿಗಿಯಾದ ಹಣಕಾಸು ನಿರ್ವಹಣೆ ಹಾಗೂ ಆಯವ್ಯಯ ನಿಯಂತ್ರಣವಾಗಿ ಹೊರಹೊಮ್ಮಿದೆ. ಖಜಾನೆಗಳ ಅಂತರಿಕ ಚಟುವಟಿಕೆಯಲ್ಲಿ ದಕ್ಷತೆ ಹಾಗೂ ಪ್ರಾಮಾಣಿಕತೆಯನ್ನು ಸಾಧಿಸಲಾಯಿತು.
ಪ್ರಸ್ರ್ತುತ ಖಜಾನೆ ಯೋಜನೆಯನ್ನು 2001 ರಲ್ಲಿ ಅಂದಿನ ತಂತ್ರಾಂಶ ಹಾಗೂ ಯಂತ್ರಾಂಶಗಳ ತಾಂತ್ರಿಕತೆಯ ಚೌಕಟಿನಲ್ಲಿ ರೂಪಿಸಲಾಗಿದೆ. ಆದರೆ ಇಂದಿನ ಚಲನ ಶೀಲ ಹಣಕಾಸಿನ ನಿರ್ವಹಣೆಯ ಅವಶ್ಯಕತೆಗಳನ್ನು ಪೂರೈಸಲು ಖಜಾನೆ ತಂತ್ರಾಂಶವು ಕೆಲವು ಮುಖ್ಯ ಕ್ರಿಯೆಗಳಲ್ಲಿ ಹಾಗೂ ಕೆಲವು ತಾಂತ್ರಿಕ ಕ್ರಿಯೆಗಳಲ್ಲಿ ನಿರ್ಭಂದತೆ ಹೊಂದಿರುತ್ತದೆ. ರಾಜ್ಯ ಆಯವ್ಯಯದಲ್ಲಿ ಗಮನರ್ಹ ಏರಿಕೆಯಾಗಿದ್ದು ಆಗಾಗ್ಗೆ ಸರ್ಕಾರ ಜಮೆ ಮತ್ತು ಖರ್ಚುಗಳ ಮಾಹಿತಿಗಳು ಲಭ್ಯವಾಗಬೇಕಾಗುತ್ತದೆ. ಖಜಾನೆ-2 ತಂತ್ರಾಂಶವು 2002-04ರಲ್ಲಿ ಅಭಿವೃಧಿ ಪಡಿಸಿದ ಖಜಾನೆ ತಂತ್ರಾಂಶವನ್ನು ಬದಲಾಯಿಸಲು ಬಯಸುತ್ತದೆ. ಖಜಾನೆ-2 ಪ್ರಸ್ತುತ ಖಜಾನೆ ತಂತ್ರಾಂಶದಲ್ಲಿ ಇರುವ ಮುಖ್ಯ ಕ್ರಿಯೆಗಳು ಹಾಗೂ ತಾಂತ್ರಿಕ ನಿರ್ಭಂದತೆಯನ್ನುಅಳಿಸಿ ಹಾಕಲಿದೆ. ಸರ್ಕಾರದ ಒಳಗಿನ ಹಾಗೂ ಹೊರಗಿನ ಬಳಕೆದಾರರ, ಸಾರ್ವಜನಿಕರ ಹಾಗೂ ಸಿಬ್ಬಂದಿಗಳ ಹಾಗೂ ಸರಬಾರಾಜುದಾರಿಗೆ ಹಣಕಾಸು ನಿರ್ವಹಣೆಯನ್ನು ಸಮರ್ಪಕವಾಗಿ ನಿರ್ವಹಿಸಲು ಅನುಕೂಲ ಮಾಡಿ ಕೊಡಲಿದೆ.
ಕರ್ನಾಟಕ ಸರ್ಕಾರವು ರಾಜ್ಯದ ಹಣಕಾಸು ವ್ಯವಹಾರಗಳನ್ನು ಹಾಗೂ ಪಾವತಿಗಳನ್ನು ಇನ್ನಷ್ಟು ಪರಿಣಾಮಕಾರಿಯಾದ ರೀತಿಯಲ್ಲಿ ನಿರ್ವಹಿಸುವುದಕ್ಕೆ ಸಂಬಂಧಿಸಿದಂತೆ ಅತ್ಯಾಧುನಿಕವಾದ ಮತ್ತು ಏಕೀಕೃತವಾದ ನೂತನ ವ್ಯವಸ್ಥೆ ಖಜಾನೆ-II ಯನ್ನು ಜಾರಿಗೊಳಿಸುತ್ತಿದೆ. ಖಜಾನೆ-II ಎನ್ನುವುದು, ``ಒಂದು ನೂತನ ಏಕೀಕೃತ ಹಣಕಾಸು ನಿರ್ವಹಣಾ ವ್ಯವಸ್ಥೆಯಾಗಿದೆ’’. ಇದು ಸರ್ಕಾರದ ಎಲ್ಲಾ ಪ್ರಮುಖ ಇಲಾಖೆಗಳು ಮತ್ತು ಖಜಾನೆಯ ನಾಗರಿಕರನ್ನು ಹಣಕಾಸು ವ್ಯವಹರಣೆಯಲ್ಲಿ ಒಂದೇ ವೇದಿಕೆಗೆ ತರುತ್ತದೆ. ಅತ್ಯಂತ ಸಮಗ್ರವಾದ ಈ ವ್ಯವಸ್ಥೆಯು ಸರ್ಕಾರದ ಮಹತ್ವಾಕಾಂಕ್ಷೆಯ ಯೋಜನೆಯಾಗಿದೆ.
``ಸರ್ಕಾರದ ಹಣಕಾಸು ವ್ಯವಹಾರಗಳಲ್ಲಿ ದಕ್ಷ, ಪರಿಣಾಮಕಾರಿ ಮತ್ತು ಪಾರದರ್ಶಕ ನಿರ್ವಹಣೆಯನ್ನು ಜಾರಿಗೊಳಿಸುವ ಮೂಲಕ ರಾಜ್ಯದ ಅಭಿವೃದ್ಧಿಗೆ ನೆರವಾಗುವುದು''
ಖಜಾನೆ-II ಯೋಜನೆಯ ವಿದ್ಯುನ್ಮಾನ ವೇದಿಕೆಯಲ್ಲಿ ಆಯವ್ಯಯದಿಂದ, ಬಿಲ್ಲುಗಳವರೆಗೆ ಸರ್ಕಾರದ ಸಂಪೂರ್ಣ ಹಣಕಾಸು ವ್ಯವಹಾರಗಳು ಒಳಗೊಳ್ಳತ್ತದೆ. ಈ ಕಾರ್ಯತಂತ್ತಾಶಗಳು ಹೀಗಿವೆ
ಬಿಲ್ಲುಗಳನ್ನು ತಯಾರಿಸುವುದಕ್ಕೆ ಸಂಬಂಧಿಸಿದ ಏಕೈಕ ವೇದಿಕೆಯಾಗಿದೆ ಮತ್ತು ಮಾನವ ಸಂಪನ್ಮೂಲ ನಿರ್ವಹಣಾ ವ್ಯವಸ್ಥೆ, ಮಹಾಲೇಖಾಪಾಲರು, ನೂತನ ಪಿಂಚಣಿ ಯೋಜನೆ ಮತ್ತು ಮೇಲು ರುಜು ಮಾಡುವುದು ಹಾಗೂ ಮಂಜೂರಾತಿ ಪ್ರಾಧಿಕಾರಗಳನ್ನು ಒಳಗೊಂಡಿದೆ.
ಮೂಲ : ಕರುನಾಡು
ಕೊನೆಯ ಮಾರ್ಪಾಟು : 6/19/2020