ಲೋಲಾಸನ

ಲೋಲಾಸನಕ್ಕೆ ತೋಲಾಸನವೆಂಬ ಹೆಸರೂ ಇದೆ. ‘ತೋಲ’ ಎಂದರೆ ತೂಕಮಾಡುವುದು ಎಂದರ್ಥ.

ಮಾಡುವ ಕ್ರಮ

1)    ಯೋಗಾಭ್ಯಾಸಿಯೂ ಮೊದಲು ಕಾಲನ್ನು ಮುಂದಕ್ಕೆ ಚಾಚಿ ನೆಲದ ಮೇಲೆ ಕುಳಿತುಕೊಳ್ಳಬೇಕು.

2)   ಅನಂತರ ಎರಡೂ ಕಾಲುಗಳನ್ನು ಮಡಿಸಿ, ಅವುಗಳನ್ನು ದೇಹದ ಪಕ್ಕದಲ್ಲಿ ನಿಲ್ಲಿಸಬೇಕು. (ಅಂದರೆ ಈ ಸ್ಥಿತಿಯಲ್ಲಿ ಯೋಗಾಭ್ಯಾಸಿಯೂ ಕುಕ್ಕರಗಾಲಿನಲ್ಲಿ ಕುಳಿತಿರುತ್ತಾನೆ ಮತ್ತು ತನ್ನ ಶರೀರದ ಭಾರವನ್ನು ಪೃಷ್ಠ ಹಾಗೂ ಪಾದಗಳ ಮೇಲೆ ಹೊರಿಸಿರುತ್ತಾನೆ).

3)  ಎರಡೂ ಕೈಗಳನ್ನು ಶರೀರದ ಮುಂದುಗಡೆ 10- 12 ಅಂಗುಲಗಳ ಅಂತರದಲ್ಲಿ ನೆಲದಲ್ಲಿ ಊರಿ, ಇಡೀ ಶರೀರವನ್ನು ನಿಧಾನವಾಗಿ ನೆಲದಿಂದ ಮೇಲಕ್ಕೆ ಎತ್ತಬೇಕು. ಒಮ್ಮೆ ಚಿತ್ರದಲ್ಲಿರುವ ಸ್ಥಿತಿಯನ್ನು ತಲುಪಿದ ನಂತರ, ಅದೇ ಸ್ಥಿತಿಯಲ್ಲಿ ಹೆಚ್ಚು ಹೊತ್ತು ಇರಲು ಪ್ರಯತ್ನಿಸಬೇಕು.

ಲಾಭಗಳು:

ಲೋಲಾಸನದ ಅಭ್ಯಾಸದಿಂದ ಹರ್ನಿಯಾ, ಅಪೆಂಡಿಸೈಟಿಸ್ ಮುಂತಾದ ರೋಗಗಳು ದೂರವಾಗುವುವು. ಕಿಬ್ಬೊಟ್ಟೆಯು ದೋಷರಹಿತವಾಗುವುದು. ಅಂಗೈ, ಮುಂಗೈ, ಹಾಗೂ ತೋಳುಗಳು ಈ ಆಸನದಿಂದ ಅಪರಿಮಿತ ಬಲ ಬರುವುದು.

ಮೂಲ: ವಿಕ್ರಮ