ಬ್ಯುಟೆನಾಂಟ್, ಅಡಾಲ್ಫ್ ಫ್ರೆಡರಿಕ್ ಜೊಹಾನ್ನ್ (1903-1995)- ೧೯೩೯
ಜರ್ಮನಿ-ಸಾವಯವ ರಸಾಯನಶಾಸ್ತ್ರ - ಲೈಂಗಿಕ ಚೋದನಿಕೆಗಳ (Hormones) ರಾಸಾಯನಿಕ ಅಧ್ಯಯನದ ಮೊದಲಿಗ.
ಮಾರ್ಬರ್ಗ್, ಗೊಮಿನ್ಜೆನ್ನಲ್ಲಿ ಶಿಕ್ಷಣ ಹಾಗು ಡ್ಯಾನ್ಜಿಗ್ , ಬರ್ಲಿನ್ ಹಾಗೂ ಟುಬಿನ್ಜೆನ್ಗಳಲ್ಲಿ ವೃತ್ತಿ ಜೀವನ ಸಾಗಿಸಿದ ಬ್ಯುಟೆನಾಂಟ್ ಲೈಂಗಿಕ ಚೋದನಿಕೆಗಳ ಕುರಿತಾಗಿ ಆಸಕ್ತಿ ತಳೆದನು. 1929ರಲ್ಲಿ ಬ್ಯುಟಿನಾಂಟ್ ಮೊದಲ ಬಾರಿಗೆ ಶುದ್ದ ರೂಪದಲ್ಲಿ ಓಯ್ಸ್ಟ್ರೋನ್ ಲೈಂಗಿಕ ಚೋದನಿಕೆಯನ್ನು ಗರ್ಭವತಿಯಾದ ಹೆಂಗಸಿನ ಮೂತ್ರದಿಂದ ಬೇರ್ಪಡಿಸಿದನು. ಮುಂದುವರೆದು 1931ರಲ್ಲಿ ಗಂಡಸರ ಮೂತ್ರದಿಂದ ಆಂಡ್ರೋಸ್ಟೆರಾನ್ ಚೋದನಿಕೆಯನ್ನು ಸಹ ಪ್ರತ್ಯೇಕಿಸಿದನು. ಈ ಚೋದನಿಕೆಗಳು ಮೂತ್ರದಲ್ಲಿ ಬಹು ಅತ್ಯಲ್ಪ ಪ್ರಮಾಣದಲ್ಲಿವೆ. ವ್ವಿಯೆನ್ನಾ ಪೋಲಿಸರು ನೀಡಿದ 15000 ಲೀಟರ್ ಮೂತ್ರದಿಂದ ಕೇವಲ 15 ಮಿಲಿಗ್ರಾಂ ಆಂಡ್ರೋಸ್ಟೆರಾನ್ ಪಡೆಯಲು ಸಾಧ್ಯವಾಯಿತು. 1939ರಲ್ಲಿ ಬ್ಯುಟೆನಾಂಟ್ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದರೂ, ಅದನ್ನು ಸ್ವೀಕರಿಸದಂತೆ ಜರ್ಮನ್ ಸರ್ಕಾರ ತಡೆಯೊಡ್ಡಿತು . ಸಸ್ತನಿಗಳ (Mammals) ಬಸಿರಿಗೆ ಕಾರಣವಾದ 20ಗ್ರಾಂ ಪೆÇಜೆಸ್ಟೆರೋನ್ ಚೋದನಿಕೆ ಪಡೆಯಲು ಬ್ಯುಟೆನಾಂಟ್ಗೆ ಐವತ್ತು ಸಾವಿರ ಹೆಣ್ಣು ಹಂದಿಗಳು ಬೇಕಾದವು. ಬ್ಯುಟೆನಾಂಟ್ ಮುಂದೆ ಕೀಟಗಳು ಎಕ್ಸ್ಡೈಸೋನ್ ಹಾಗೂ ಫೆರಮಾನ್ ಚೋದನಿಕೆÂಕೆಗಳ ಬಗ್ಗೆ ಅಧ್ಯಯನ ನಡೆಸಿ, ಅವುಗಳ ಮಧ್ಯದ ಸಂಬಂಧವನ್ನು ಸ್ಪಷ್ಟಗೊಳಿಸಿ, ಅವೆಲ್ಲವೂ ಸ್ಟೆರಾಯಿಡ್ ರಾಸಾಯನಿಕ ಗಣಕ್ಕೆ ಸೇರಿದವೆಂಬುದನ್ನು ತೋರಿಸಿ, ಅವುಗಳ ರಸಾಯನಶಾಸ್ತ್ರದ ಅಧ್ಯಯನಕ್ಕೆ ನಾಂದಿ ಹಾಡಿದನು.
ಮೂಲ: ವಿಜ್ಞಾನಿಗಳು
ಕೊನೆಯ ಮಾರ್ಪಾಟು : 4/17/2020