ಹೊಟ್ಟೆಯ ಬೊಜ್ಜು ಕರಗಿಸಲು ಪ್ರಯತ್ನಿಸಿ ಹನುಮಾನಾಸನ!
ನಾಗರಿಕತೆಯ ಕೊಡುಗೆಯ ಪ್ರತಿಕೂಲ ಪರಿಣಾಮವೆಂದರೆ ಆಲಸಿತನ ಮತ್ತು ಸ್ಥೂಲಕಾಯ. ಸ್ಥೂಲರಾಗಿರುವ ಎಲ್ಲರ ಸಮಸ್ಯೆಯೂ ಒಂದೇ-ಈ ಡೊಳ್ಳು ಹೊಟ್ಟೆಯನ್ನು ಕರಗಿಸಬೇಕು. ಹೊಟ್ಟೆಯ ಸುತ್ತ ಸಂಗ್ರಹವಾಗಿರುವ ಈ ಕೊಬ್ಬನ್ನು ಕರಗಿಸಲು ಕೆಲವು ಯೋಗಾಸನಗಳು ಇವೆ ಎಂದು ನಿಮಗೆ ಇದುವರೆಗೆ ಗೊತ್ತಿತ್ತೇ? ಇಲ್ಲವೇ, ಸರಿ ಈಗ ಈ ಆಸನವನ್ನು ಅನುಸರಿಸಲು ಸೂಕ್ತ ಸಮಯವಾಗಿದೆ. ಹನುಮಾನಾಸನ ಅಥವಾ ಕೋತಿ ಕುಳಿತಿರುವ ಭಂಗಿಯನ್ನು ಅನುಸರಿಸುವ ಈ ಆಸನ ಹೊಟ್ಟೆಯ ಕೊಬ್ಬನ್ನು ಕರಗಿಸಲು, ಅದರಲ್ಲೂ ಅತಿ ಶೀಘ್ರವಾಗಿ ಕರಗಿಸಲು ಅತಿ ಸೂಕ್ತವಾಗಿದೆ. ಇದನ್ನು ಸರಿಯಾಗಿ ಅನುಸರಿಸುವುದರಿಂದ ಹೊಟ್ಟೆಯ ಸ್ನಾಯುಗಳು ಸೆಳೆತಗೊಳ್ಳುವುದು, ಜೀರ್ಣಾಂಗಗಳಿಗೂ ಸ್ಥಳಾವಕಾಶ ಸಿಗುವುದು, ಕೆಳಹೊಟ್ಟೆಯ ಸ್ನಾಯುಗಳು, ತೊಡೆ ಮತ್ತು ಮಂಡಿಯ ಹಿಂಭಾಗದ ಸ್ನಾಯುಗಳಿಗೂ ಉತ್ತಮ ವ್ಯಾಯಾಮ ದೊರಕುವುದು. ಇದರಿಂದ ಹೊಟ್ಟೆಯ ಸುತ್ತಲಿರುವ ಕೊಬ್ಬು ಶೀಘ್ರವಾಗಿ ಕರಗುವುದು.
ಹನುಮಾನಾಸನ ಅನುಸರಿಸುವ ವಿಧಾನ ಯಾವುದೇ ಯೋಗಾಸನವನ್ನು ಅನುಸರಿಸುವ ಮೊದಲು ಕೈಗೊಳ್ಳಬೇಕಾದ ಕ್ರಮಗಳನ್ನು ಕೈಗೊಂಡ ಬಳಿಕ ಹನುಮಾನಾಸನವನ್ನು ಆಚರಿಸಲು ಸಿದ್ಧರಾಗಿ
ಕಾಲುಗಳು ಸೆಳೆಯುವಾಗ ಯೋಗಾಭ್ಯಾಸದ ಚಾಪೆಯು ನುಣುಪಾಗಿರುವುದು ಅಗತ್ಯವಾದುದರಿಂದ ಸೂಕ್ತವಾದ ಗುಣಮಟ್ಟದ ಚಾಪೆ ಅಗತ್ಯವಾಗಿದೆ. ಸಾಂಪ್ರಾದಾಯಿಯ ಹುಲ್ಲಿನ ಚಾಪೆಯ ಮೇಲೆ ಪಾದ ಜಾರಲು ಅಡ್ಡಿಯಾಗಬಹುದು. *ಈ ಭಂಗಿಯನ್ನು ಅನುಸರಿಸುವ ಮೊದಲು ದೇಹಕ್ಕೆ ಸಾಕಷ್ಟು ಪ್ರಾರಂಭಿಕ ಅಭ್ಯಾಸ ಅಗತ್ಯ. (warm up exercise) *ಪ್ರಾರಂಭದಲ್ಲಿ ಈ ಆಸನ ಅಷ್ಟೊಂದು ಸುಲಭವಲ್ಲವಾದುದರಿಂದ ಆತುರ ತೋರಬೇಡಿ. ನುರಿತ ಯೋಗಾಭ್ಯಾಸ ಶಿಕ್ಷಕರ ನೆರವಿನಲ್ಲಿಯೇ ನಿರ್ವಹಿಸಿ. ಕೊಂಚ ಕಾಲದ ಅಭ್ಯಾಸದಿಂದ ನಿಮ್ಮ ತೊಡೆ, ಸೊಂಟ, ಹೊಟ್ಟೆ, *ಕೆಳಹೊಟ್ಟೆ, ಮಂಡಿಯ ಹಿಂದಿನ ಸ್ನಾಯುಗಳು ಸೆಳೆತಗೊಂಡು ಸುಲಭವಾಗಿ ಸಾಧಿಸಬಹುದು. ಜೊತೆಯಲ್ಲಿ ಹೊಟ್ಟೆಯೂ ಕರಗುವುದು.
ಒಂದು ವೇಳೆ ಕೆಳಹೊಟ್ಟೆಯಲ್ಲಿ ಯಾವುದಾದರೂ ಕಾರಣದಿಂದ (ಸಿಸೇರಿಯನ್ ನ ಶಸ್ತ್ರಚಿಕಿತ್ಸೆ ಮೊದಲಾದವು) ನೋವು ಉಂಟಾಗಿದ್ದರೆ ನಿಮಗೆ ಈ ಆಸನ ಸೂಕ್ತವಲ್ಲ! *ಕಾಲಿನ ಮಂಡಿಯ ಹಿಂಭಾಗದ ಸ್ನಾಯು ಅತಿ ಹೆಚ್ಚಿನ ಸೆಳೆತಕ್ಕೆ ಒಳಗಾಗುವುದರಿಂದ ಈ ಭಾಗದಲ್ಲಿ ನೋವಿದ್ದರೂ ಈ ಆಸನ ನಿಮಗೆ ಸೂಕ್ತವಲ್ಲ.
ಮೂಲ : ಬೋಲ್ಡ್ ಸ್ಕೈ
ಕೊನೆಯ ಮಾರ್ಪಾಟು : 6/17/2020