অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ಹಾರ್ಮೋನಿನ ವಿಧಾನಗಳು

ಹಾರ್ಮೋನಿನ ವಿಧಾನಗಳು

ಬಾಯಿಯ ಮೂಲಕ ತೆಗೆದುಕೊಳ್ಳುವ ಗರ್ಭನಿರೋಧಕ ಮಾತ್ರೆಗಳು

ಬಾಯಿಯ ಮೂಲಕ ತೆಗೆದುಕೊಳ್ಳುವ ಗರ್ಭನಿರೋಧಕ ಮಾತ್ರೆಗಳು 28 ಮಾತ್ರೆಗಳು ಆವರ್ತ ಪ್ಯಾಕ್ (ಪೊಟ್ಟಣ)ಗಳಲ್ಲಿ ಬರುತ್ತವೆ. ಅವುಗಳಲ್ಲಿ ಮೊದಲ 21 ಮಾತ್ರೆಗಳು ಮಾತ್ರ ಹಾರ್ಮೋನುಗಳಿಂದ ಕೂಡಿರುತ್ತವೆ. ಉಳಿದ ಏಳು ಮಾತ್ರೆಗಳು ಕಬ್ಬಿಣದ ಪೋಷಕಾಂಶಗಳಿಂದ ಕುಡಿರುತ್ತವೆ. 21 ಹಾರ್ಮೋನ್ ಮಾತ್ರೆಗಳನ್ನು ತೆಗೆದುಕೊಂಡಮೇಲೆ ಕಬ್ಬಿಣದ ಪೋಷಕಾಂಶ ಮಾತ್ರೆಗಳನ್ನು ತೆಗೆದುಕೊಳ್ಳಬೇಕು. ಬಹುಪಲು ಮಹಿಳೆಯರು ರಕ್ತ ಹೀನತೆಯಿಂದ ಬಳಲುವುದರಿಂದ ಕಬ್ಬಿಣದ ಮಾತ್ರೆಗಳು ಅವರಿಗೆ ನೆರವಾಗುತ್ತವೆ. ಈ ಮಾತ್ರೆಗಳು ಲೈಂಗಿಕ ಚಟುವಟಿಕೆಗಳಿಗೆ ಅಡ್ಡಿಯಾಗುವುದಿಲ್ಲ. ಎಲ್ಲಕ್ಕಿಂತ ಮಿಗಿಲಾಗಿ, ಕಾಂಡೋಮ್‍ಗಳಂತಲ್ಲದೆ, ಓಸಿಪಿಯು (ಓರಲ್ ಕಾಂಟ್ರಸೆಪ್ಟೀವ್ ಪಿಲ್ಸ್) ಮಹಿಳೆಯಿಂದ ನಿಯಂತ್ರಿತವಾಗುವ ಒಂದು ಗರ್ಭನಿರೋಧಕ ವಿಧಾನ. ಮಾರುಕಟ್ಟೆಯಲ್ಲಿ ಅನೇಕ ಕಂಪನಿಗಳ ಮಾತ್ರೆಗಳು ಲಭ್ಯ. ನಮ್ಮ ಎಎನ್‍ಎಂ ಮತ್ತು ಪಿಎಚ್‍ಸಿಗಳಲ್ಲಿ ಮಾಲಾ-ಎನ್ ಸಂಗ್ರಹವಿರುತ್ತದೆ. ನೀವು ಈ ಮಾತ್ರೆಗಳನ್ನು ಇಟ್ಟುಕೊಳ್ಳಬಹುದು.

 

ಓಸಿಯನ್ನು ಉಪಯೋಗಿಸುವುದು ಹೇಗೆ

ಮುಟ್ಟಿನ ಸ್ರಾವ ಪ್ರಾರಂಭವಾದ ಮೇಲೆ ಮೊದಲ ಏಳು ದಿನಗಳಲ್ಲಿ ಯಾವುದಾದರೊಂದು ದಿನ ಮಾತ್ರೆ ತೆಗೆದುಕೊಳ್ಳಲು ಪ್ರಾರಂಭಿಸಿ ಪ್ಯಾಕ್ ಮುಗಿಯುವವರೆಗೂ ತೆಗೆದಿಕೊಳ್ಳುತ್ತಿರಬೇಕು. ಅನಂತರ ಹೊಸ ಪ್ಯಾಕ್ ಅನ್ನು ಪ್ರಾರಂಭಿಸಬೇಕು. ತಪ್ಪದೆ ತೆಗೆದುಕೊಮಡರೆ ಗರ್ಭಧಾರಣೆಯನ್ನು ತಡೆಗಟ್ಟುವುದರಲ್ಲಿ ಮಾತ್ರೆಯು ಬಹುತೇಕ ನೂರಕ್ಕೆ ನೂರರಷ್ಟು ಪರಿಣಾಮಕಾರಿಯಾಗಿದೆ. ಈ ಮಾತ್ರೆಗಳು ಗರ್ಭಸ್ರಾವವನ್ನು ಉಂಟುಮಾಡುವುದಿಲ್ಲ.

ಒಬ್ಬಳು ಒಂದು ದಿನ ಮಾತ್ರೆ ತೆಗೆದುಕೊಳ್ಳುವುದನ್ನು ಮರೆತರೆ, ಮರುದಿನ ಎರಡು ಮಾತ್ರೆಗಳನ್ನು ಒಟ್ಟಿತೆ ತೆಗೆದುಕೊಳ್ಳಬೇಕು. ಆದರೆ ಎರಡು ದಿನಗಳಿಗಿಂತ ಹೆಚ್ಚು ಕಾಲ ಮಾತ್ರೆಗಳನ್ನು ತೆಗೆದುಕೊಳ್ಳದೆ ಇರಬಾರದು. ಎರಡು ದಿನ ಮರೆತು ಬಿಟ್ಟರೆ ನೆನಪಾದ ಕೂಡಲೇ ಮಾತ್ರೆಗಳನ್ನು ತೆಗೆದುಕೊಳ್ಳಲು ಅವಳಿಗೆ ತಿಳಿಸಿ. ಅನಂತರ ಪ್ಯಾಕ್ ಮುಗಿಯುವವರೆಗೂ ಅವಳು ಪ್ರತಿದಿನದ ಮಾತ್ರೆಯನ್ನು ತೆಗೆದುಕೊಳ್ಳುವುದನ್ನು ಮುಂದುವರಿಸಬೇಕು ಮತ್ತು ಏಳು ಹಾರ್ಮೋನಿನ ಮಾತ್ರೆಗಳನ್ನು ಸಾಲಾಗಿ ತೆಗೆದುಕೊಳ್ಳುವವರೆಗೆ ಸಂಭೋಗಕಾಲದಲ್ಲಿ ಕಾಂಡೋಮ್ ಅನ್ನು ಉಪಯೋಗಿಸಬೇಕು.

ಬಾಯಿಯ ಮೂಲಕ ತೆಗೆದುಕೊಳ್ಳುವ ಗರ್ಭನಿರೋಧಕಗಳ ಸಾಮಾನ್ಯವಾದ ಪಾಶ್ರ್ವಪರಿಣಾಮಗಳನ್ನು ಕುರಿತು ಯಾವಾಗಲೂ ಹೇಳುತ್ತಿರಬೇಕು. ಅವು ಯಾವುವೆಂದರೆ ವಾಕರಿಕೆ, ಸ್ವಲ್ಪ ತಲೆನೋವು, ಸ್ತನಗಳು ಮೃದುವಾಗುವುದು, ಎರಡು ಮುಟ್ಟುಗಳ ನಡುವೆ ಸ್ವಲ್ಪ ಸ್ರಾವ ಕಾಣಿಸಿಕೊಳ್ಳುವುದು ಮತ್ತು ಕೆಲವು ಸಲ ಕ್ರಮತಪ್ಪಿನ ಮುಟ್ಟು ಈ ಪಾಶ್ರ್ವಪರಿಣಾಮಗಳು ಯಾವುದೇ ಗಂಭೀರ ವ್ಯಾಧಿಯ ಲಕ್ಷಣಗಳಲ್ಲ ಎನ್ನುವುದನ್ನು ವಿವರಿಸಿ. ಇವು ಸಾಮಾನ್ಯವಾಗಿ ಮೂರು ತಿಂಗಳ ಅವಧಿಯಲ್ಲಿ ಕಡಮೆಯಾಗುತ್ತವೆ ಅಥವಾ ನಿಂತುಹೋಗುತ್ತವೆ. ಬಾಯಿಯ ಮೂಲಕ ತೆಗೆದುಕೊಳ್ಳುವ ಮಾತ್ರೆಗಳನ್ನು ಪ್ರಾರಂಭ ಮಾಡುವ ಮೊದಲು ಮಹಿಳೆಯರು ಎಎನ್‍ಎಂ. ವೈದ್ಯಕೀಯ ಅಧಿಕಾರಿಯಿಂದ ಪರೀಕ್ಷೆ ಮಾಡಿಸಿಕೊಳಳಲು ನೀವು ಸಹಾಯ ಮಾಡಬೇಕು. ಎಎನ್‍ಎಂ/ವೈದ್ಯಕೀಯ ಅಧಿಕಾರಿಯೊಂದಿಗೆ ಸಮಾಲೋಚನೆ ನಡೆಸಿದ ಅನಂತರ ಬಾಯಿಯ ಮೂಲಕ ತೆಗೆದುಕೊಳ್ಳುವ ಮಾತ್ರೆಗಳನ್ನು ಪ್ರಾರಂಭ ಮಾಡಿರುವ ಮಹಿಳೆಯರಿಗೆ ನೀವು ಮಾಸಿಕ ಸರಬರಾಜನ್ನು ಒದಗಿಸಬೇಕು.

ತುರ್ತು ಗರ್ಭನಿರೋಧಕ ಮಾತ್ರೆಗಳು (ಎಮರ್ಜೆನ್ಸಿ ಕಾಂಟ್ರಸೆಪ್ಟೀವ್ ಪಿಲ್ಸ್ - ಇಸಿಪಿ)

ಅಸುರಕ್ಷಿತ ಸಂಭೋಗದ ಅನಂತರ 72 ಗಂಟೆಗಳೊಳಗೆ ತೆಗೆದುಕೊಳ್ಳಬೇಕಾದ ಮಾತ್ರೆಗಳೇ ತುರ್ತು ಗರ್ಭನಿರೋಧಕ ಮಾತ್ರೆಗಳು. ಈ ಮಾತ್ರೆಗಳನ್ನು ಕೆಲವು ತುರ್ತು ಸಂದರ್ಭಗಳಲ್ಲಿ ಮಾತ್ರ ತೆಗೆದುಕೊಳ್ಳಬೇಕಾಗುತ್ತದೆ. ಅಸುರಕ್ಷಿತ ಸಂಭೋಗಕ್ಕೆ ತುತ್ತಾದ ಮಹಿಳೆಯರಿಗೆ ಸಂಭೋಗದ ಸಮಯದಲ್ಲಿ ಕಾಂಡೋಮ್ ಜಾರಿ ಹೋದರೆ ಅಥವಾ ಲೈಂಗಿಕ ಆಕ್ರಮಣದ ಸಮಯದಲ್ಲಿ ಈ ಮಾತ್ರೆಗಳು ಕೆಲಸ ಮಾಡುವುದಿಲ್ಲ, ಮಹಿಳೆಯು ಹನ್ನೆರಡು ಗಂಟೆಗಳ ಅಂತರದಲ್ಲಿ ಎರಡು ಮಾತ್ರೆಗಳನ್ನು ತೆಗೆದುಕೊಳ್ಳಬೇಕು.

ಮುಂದಿನ ಮಾಸಿಕ ಋತುಸ್ರಾವವು, ನಿಗದಿತ ಮಾಸಿಕ ಸ್ರಾವದ ದಿನದಿಂದ 14 ದಿನಗಳಲ್ಲಿ ಸಂಭವಿದುತ್ತದೆ. ಈ ಮಾತ್ರೆಗಳು ಈಗ ಆರೋಗ್ಯ ಕೇಂದ್ರಗಳಲ್ಲಿ ಮತ್ತು ಔಷಧದ ಅಂಗಡಿಗಳಲ್ಲೂ ಸಿಗುತ್ತವೆ. ಅವುಗಳನ್ನು ಕೊಳ್ಳಲು ಔಷಧದ ಚೀಟಿಯ ಅಗತ್ಯವುಲ್ಲ. ಅವು ಇಸಿ ಮಾತ್ರೆಗಳೆಂದು ಈ ಯೋಜನೆಯಲ್ಲಿ ಲಭ್ಯ. ಅನೇಕ ವಾಣಿಜ್ಯ ಮತ್ತು ಸಾಮಾಜಿಕ ಮಾರುಕಟ್ಟೆ ಕಂಪನಿಗಳ ಮೂಲಕವೂ ಅವು ದೊರೆಯುತ್ತವೆ.

ವೈದ್ಯರು ಸೂಚನೆಯ ಪ್ರಕಾರ ತೆಗೆದುಕೊಂಡ ಇಸಿಪಿಗಳು ಅನಪೇಕ್ಷಿತ ಗರ್ಭಧಾರಣೆಯ ವಿರುದ್ಧ ರಕ್ಷಣೆಯನ್ನು ಒದಗಿಸುತ್ತವೆ. ಇಸಿಪಿಗಳನ್ನು ಮತ್ತೆ ಮತ್ತೆ ಬಳಸಲು ಪ್ರೋತ್ಸಾಹ ಕೊಡಬೇಡಿ ಒಂದು ಗರ್ಭನಿರೋಧಕ ವಿಧಾನವನ್ನು ಆಯ್ಕೆ ಮಾಡಿಕೊಳ್ಳಲು ಸಲಹೆ ಕೊಡಿ. ಇಸಿಪಿಗಳು ಎಸ್‍ಟಿಐ ಮತ್ತು ಎಚ್‍ಐವಿ/ಏಡ್ಸ್ ಅಂತಹ ಸೋಂಕುಗಳ ವಿರುದ್ಧ ರಕ್ಷಣೆಯನ್ನು ಕೊಡುವುದಿಲ್ಲ.

 

ನೀವು ಮಾಡಬೇಕಾದದ್ದು ಏನು

ನೀವು ಮಾಲಾ-ಎನ್, ಓಸಿಪಿಗಳ ದಾಸ್ತಾನುದಾರರು.

ನೀವು ಮಹಿಳೆಯರಿಗೆ ಎಲ್ಲ ವಿಧಾನಗಳನ್ನು ವಿವರಿಸಬೇಕು ಮತ್ತು ಆಯ್ಕೆ  ಮಾಡಲು ಅವರಿಗೆ ಸಹಾಯ ಮಾಡಬೇಕು.

ಮಹಿಳೆಯು ಓಸಿಪಿಗಳನ್ನು ಬಳಸಲು ಅರ್ಹಳೇ ಎನ್ನುವುದನ್ನು ಎಎನ್‍ಎಂ/ವೈದ್ಯರೊಡನೆ ಸಮಾಲೋಚಿಸಿದ ಅನಂತರ ಮಾಲಾ ಎನ್ ಮಾತ್ರೆಗಳನ್ನು ಪ್ರಾರಂಭಿಸಿ.

ಅಡ್ಡ ಪರಿನಾಮಗಳನ್ನು ಕುರಿತು ಮಹಿಳೆಗೆ ವಿವರಿಸಿ ಮತ್ತು ಸೇವೆಯನ್ನು ಒದಗಿಸುವವರನ್ನು ಯಾವಾಗ/ಎಲ್ಲಿ ಸಂಪರ್ಕಿಸಬೇಕು ಎನ್ನುವುದನ್ನು ತಿಳಿಸಿ.

ಅಲ್ಲದೆ ಇಸಿಪಿಗಳನ್ನು ಕುರಿತು ಮಾಹಿತಿಯನ್ನು ಕೊಡಿ ಮತ್ತು ಅವು ಎಲ್ಲಿ ಸಿಗುತ್ತವೆ ಎಂದೂ ತಿಳಿಸಿ.

ಮೂಲ: ಕುಟುಂಬ ಯೋಜನೆ ತರಬೇತಿದಾರರ ಕೈಪಿಡಿ

ಕೊನೆಯ ಮಾರ್ಪಾಟು : 1/28/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate