ಆರ್ಥ್ರೈಟಿಸ್‌

ಕೀಲುನೋವು(ಆರ್ಥ್ರೈಟಿಸ್‌) ಎಂದರೇನು?

ಕೀಲುಗಳ ಉರಿಯೂತಕ್ಕೆ ಆರ್ಥ್ರೈಟಿಸ್‌ ಎನ್ನುತ್ತಾರೆ. ಇದು ೧೭೦ ಕೀಲುಗಳ ಗುಂಪಿನಲ್ಲಿ ಉಂಟಾಗುವ ನೋವು, ಪೆಡಸುತನ ಮತ್ತು ಬಾವು (ಇರಬಹುದು ಅಥವ ಇಲ್ಲದಿರಬಹುದು)ವಿಗೆ ಆರ್ಥ್ರೈಟಿಸ್‌ ಎನ್ನುತ್ತಾರೆ. ಮೂರು ಅತಿ ಸಾಮಾನ್ಯ ಆರ್ಥ್ರೈಟಿಸ್‌ಳೆಂದರೆ::

1. ರೆಮುಟಾಯ್ಡ್‌ ಆರ್ಥ್ರೈಟಿಸ್‌
2. ಒಸ್ಟಿಯೋ ಆರ್ಥ್ರೈಟಿಸ್‌
3. ಗೌಟ್‌

ಆರ್ಥ್ರೈಟಿಸ್‌ನ ಲಕ್ಷಣಗಳು

• ಯಾವುದೇ ಚಲನೆ ಅಂದರೆ ನಡೆಯುವುದು, ಕುರ್ಚಿಯಿಂದ ಏಳುವುದು, ಬರೆಯುವುದು, ಟೈಪಿಂಗ್‌, ಒಂದು ವಸ್ತುವನ್ನು ಹಿಡಿಯುವುದು, ತರಕಾರಿ ಹೆಚ್ಚುವುದು ಮುಂತಾದ ಕೆಲಸಗಳನ್ನು ಮಾಡುವಾಗ ನೋವು ಅಥವಾ ಮೃದುತ್ವ ( ನೋವಿನ ಮೇಲೆ ಒತ್ತಡ) ಬೀಳುತ್ತದೆ.
• ಕೀಲುಗಳ ಊತ, ಪಡೆಸುತನ, ಕೆಂಪಾಗುವುದು, ಮತ್ತು ಬಿಸಿಯಾದ ಅನುಭವವು ಉರಿಯೂತದ ಲಕ್ಷಣ
• ವಿಶೇಷವಾಗಿ ಬೆಳಗಿನ ಹೊತ್ತು ಪಡೆಸುತನದ ಅನುಭವ
• ಕೀಲುಗಳ ಸ್ಥಿತಿ ಸ್ಥಾಪಕ ಗುಣವನ್ನು ಕಳೆದು ಕೊಳ್ಳುವುದು
• ಕೀಲುಗಳ ಪರಿಮಿತ ಚಲನೆ
• ಕೀಲುಗಳ ವಿರೂಪ
• ತೂಕದ ಕಳೆದುಕೊಳ್ಳುವಿಕೆ ಮತ್ತು ಸುಸ್ತು
• ಕಾರಣ ತಿಳಿಯದ ಜ್ವರ
• ಕ್ರೆಪಿಟಸ್‌ ( ಚಲಿಸಿದಾಗಲೆಲ್ಲ ಅದೊಂದು ಬಗೆಯ ಶಬ್ದವಾಗುವಿಕೆ)

ಆರ್ಥ್ರೈಟಿಸ್‌ ಅನ್ನು ನಿಭಾಯಿಸುವುದು ಹೇಗೆ

ಸಮರ್ಥ ನಿರ್ವಹಣೆ ಮತ್ತು ಸೂಕ್ತ ಚಿಕಿತ್ಸೆಯಿಂದ ಆರ್ಥ್ರೈಟಿಸ್‌ ಇದ್ದಾಗ್ಯೂ ಉತ್ತಮ ಬದುಕು ನಮ್ಮದಾಗಬಹುದು.

• ಆರ್ಥ್ರೈಟಿಸ್‌ ಬಗ್ಗೆ ತಿಳಿದುಕೊಳ್ಳಬೇಕಾದ ವಿಷಯಗಳು: ಆರ್ಥ್ರೈಟಿಸ್‌ಅನ್ನು ಸರಿಯಾಗಿ ನಿಭಾಯಿಸುವುದರಿಂದ ವೈಕಲ್ಯಗಳು ಮತ್ತು ಇತರೆ ಸಮಸ್ಯೆಗಳನ್ನು ತಡೆಯಬಹುದು.
• ಕ್ಷ-ಕಿರಣ ಮತ್ತು ರಕ್ತ ಪರೀಕ್ಷೆಯ ಮೂಲಕ ಆರ್ಥ್ರೈಟಿಸ್‌ ಮಟ್ಟವನ್ನು ಕಂಡುಕೊಳ್ಳಬಹುದು.
• ವೈದ್ಯರು ಸಲಹೆ ನೀಡಿದಂತೆ ನಿಯಮಿತವಾಗಿ ಔಷಧೋಪಚಾರ ಮಾಡಿಕೊಳ್ಳಬೇಕು.
• ದೇಹದ ತೂಕವನ್ನು ನಿಯಂತ್ರಣದಲ್ಲಿಟ್ಟು ಕೊಳ್ಳಬೇಕು.
• ಉತ್ತಮ ಆಹಾರ ಸೇವನೆ ಮಾಡಬೇಕು
• ವೈದ್ಯರು ಸಲಹೆ ನೀಡಿದಂತೆ ನಿಯಮಿತವಾಗಿ ವ್ಯಾಯಾಮ ಮಾಡಬೇಕು.
• ವಿಶ್ರಾಂತಿ (ರಿಲ್ಯಾಕ್ಸೇಷನ್‌) ತಂತ್ರಗಳನ್ನು ಬಳಸಿ ಒತ್ತಡ ಮತ್ತು ಸುಸ್ತುಗಳನ್ನು ದೂರವಿಡಿ, ಸೂಕ್ತ ವಿಶ್ರಾಂತಿ, ನಿಯಮಿತ ವ್ಯಾಯಾಮ, ನಿಮ್ಮ ಕೆಲಸ ಕಾರ್ಯಗಳ ಯೋಜನೆ.
• ಔಷಧಗಳ ಜೊತೆಗೆ ಯೋಗ ಮತ್ತು ಪರ್ಯಾಯ ಥೆರಪಿಗಳನ್ನ ಬಳಸಿರುವುದು ವೈಜ್ಞಾನಿಕವಾಗಿ ದಾಖಲಿಸಲಾಗಿದೆ.